"2007-ci ilin dövlət büdcəsi haqqında" qanun layihəsinin Milli Məclisin daimi komissyalarında müzakirəsi bu həftə başa çatacaq. Trend xəbər verir ki, adıçəkilən sənədin daimi komissyalarda müzakirəsi başa çatdıqdan sonra parlamentin müzakirəsinə çıxarılacaq.
Müzakirələrin isə noyabr ayında aparılacağı planlaşdırılıb. Müzakirələr zamanı dövlət və hökumət rəsmilərinin də iştirakı gözlənilir.
Noyabrın 3-də saat 11.00-da sözügedən qanun layihəsi Milli Məclisin aqrar siyasət, dövlət quruculuğu və insan haqları, sosial siyasət, regional siyasət, elm və təhsil məsələləri daimi komissiyalarının birgə keçiriləcək iclasında müzakirə olunacaq.
Qeyd edək ki, qanun layihəsində 2007-ci ildə dövlət büdcəsinin gəlirləri 5 335 700 min. AZN, xərcləri isə 5 714 700 min. AZN təşil edəcək. Büdcənin mərkəzləşdirilmiş gəlirləri 5 169 173,9 min AZN, yerli gəlirləri 166 526,1 min AZN, mərkəzləşdirilmiş xərcləri 4 986 594,8 min AZN, yerli xərcləri isə 728 105,2 min AZN məbləğində təsdiq edilib. Gələn ilin dövlət büdcəsinin xərclərinin 3 548,3 mln. AZN-i cari xərclər, 2 122,4 mln. AZN-ni əsaslı xərclər, 44 mln. AZN-ni isə kreditlər və faizlərə xidmətlə bağlı xərclər təşkil edir. Dövlət büdcəsi kəsirinin yuxarı həddi 379 min AZN məbləğində təsdiq edilib