2006-cı ilin noyabr ayında kənd təsərrüfatı məhsullarının istehsal qiyməti ötən ayla müqayisədə 4,1 faiz, 2005-ci ilin dekabr ayı ilə müqayisədə isə 22,2 faiz artıb.
Dövlət Statistika Komitəsinə istinadən Trend bildirir ki, noyabr ayında bitkiçilik, bağçılıq məhsulları üzrə qiymətlərin indeksi oktyabr ayı ilə müqayisədə 107,3 faiz təşkil edib. Bu dövr ərzində tərəvəz, bağçılıq məhsulları üzrə qiymət 2,2 faiz, buğda məhsulları üzrə 8,8 faiz, meyvə və qoz-fındıq üzrə 6,9 faiz artıb.
Bundan başqa, heyvandarlıq məhsulları üzrə qiymətlərin indeksi əvvəlki ayla müqayisədə 100,9 faiz təşkil edib. İribuynuzlu mal və məhsullarının qiyməti 1,4 faiz, xırda buynuzlu mal (qoyun) məhsullarının qiyməti 0,3 faiz artıb, diri quş və yumurtanin qiyməti isə 0,7 faiz aşağı düşüb. Balıqçılıq təsərrüfatı məhsullarının qiyməti 12,2 faiz artıb, meşə məhsullarının qiyməti isə sabit olaraq qalıb.
