Alman-Azərbaycan fondu (AAF) məsləhətçisi kimi çıxış edəcəyi daha iki Azərbaycan bankını partnyorluğa qəbul edib. Cümə günü fonddan Trend ə verilən məlumata görə, indən belə AAF-ın partnyor-banklarının sayı 6-dan 8-ə çatıb. Yeni partnyor banklar Muğanbank və Rabitəbank olublar.
2001-ci ilin martından bankın partnyorları Bank of Baku və Unibank, 2003-cü ilin yanvarından Parabank və Bank "Respublika", 2004-cü ilin sentyabrından isə Azərdəmiryolbank və Azəriqazbank olublar. Fərq yalnız ondadır ki, AAF bu bankları KFW Almaniya İnkişaf Bankının kredit xətti çərçivəsində məsləhət verib və maaliyyələşdirib. Yeni banklara isə AYİB Azeri Multi Finance Bank Facility - Micro Small Enterprices proqramı çərçivəsində məsləhət veriləcək. Bundan ötrü Muğanbankın və Rabitəbankın əməkdaşları üçün seminarlar təşkil olunacaq.
Fondda hər iki proqram çərçivəsində bank partnyorların siyahısının genişlənəcəyi istisna olunmur.
AAF-ın gələcək planlarına ölkənin bölgələrindlə fəaliyyətini dərinləşdirmək daxildir. Bölgə fəaliyyətinin inkişafı üçün problem olmayacaq, belə ki, AAF-ın bank partnyorlarının rayonlarda 65 filialı var. 14 rayonda xidmət məntəqələri var. Hazırda verilən kreditlərin 65%-i Bakıya gəlir, 14%i isə Beyləqana yerləşdirilib. Yarım il əvvəl isə, bütün kreditlərin 95%-i paytaxtda yerləşdirilmişdi.
Fond tərəfindən maliyyələşdirilmə KFW alman yenidənqurma banklarının kreditləri hesabına həyata geçirilir. 1999-cu ildən bank AAF-a ikiqat tranşla 8,7 mln. avro verib. Onların mənimsənilməsi bitib. Hazırda yerli bankların maliyyələşdirilməsi revolver hesabdan reallaşır. Fondun qalan portfeli rayonda 19-20 mln. avro təşkil edir.