2007-ci ildə Rusiyanın Azərbaycandakı səfirliyi tələbə mübadiləsi üzrə dövlətlərarası saziş çərçivəsində işi fəallaşdırmaq niyyətindədir.
RF-nin Azərbaycan Respublikasındakı fövqaladə və səlahiyyətli səfiri Vasili İstratova istinadən Trend in verdiyi məlumata görə, cari təhsil ilinin sonuna yaxın Azərbaycan tələbələrinə təqdim oluna biləcək ali təhsil müəssisələrinin siyahısına yenidən baxmaq planlaşdırılır.
Onun sözlərinə görə, təklif olunan ali təhsil müəssisələrinin siyahısı Azərbaycan tərəfini həmişə qane etmir. Bununla əlaqədar bu istiqamətdə iş aparılmalıdır, belə ki, təhsil proqramı iki dövlət tərəfindən dəstəklənir.
Maliyyələşdirmə Rusiyanın federal büdcəsinin hesabına təmin edilir.