Azərbaycan,Bakı/müxbir Trend İ.Xəlilova/Azərbaycan Milli Bankı (AMB) avqusta qədər fiziki şəxslərin əmanətlərinin sığortalanması Fondunu təsis etməyi planlaşdırır. Almaniyanın KFW inkişaf bankının Bakı ofisinin rəhbəri Natiq Abdullayevin məlumatına əsasən, fondun ilkin kapitallaşdırılması üçün 5 milyon avro və əlavə tədbirlər üçün 1 milyon avro yalnız maliyyələşdirmə haqqında müqavilənin bağlanmasından sonra ayrılacaq. KFW-nin vitse prezidenti Doris Kernin Azərbaycana bu yaxınlardakı səfərində AMB-in rəhbəri Elman Rüstəmovla görüşdə Azərbaycan tərəfinə müqavilənin təqdim edilməsi prosesinin sürətləndirməsinə söz verilib, deyə N.Abdullayev bildirib.
Hələ keçən il KFW və Azərbaycan Milli Bankı əmanətlərin sığortalanması Fondunun yaradılması konsepsiyasnın razılaşdırılmasının nəticələrinə dair memorandum imzalayıb. Konsepsiyada fondun yaradılması layihəsinin həyata keçirilməsi üçün tədbirlər yer alıb.
"Əhalinin əmanətlərinin sığortalanması haqqında" qüvvəyə minmiş Qanuna əsasən, fond həmçinin bankların birdəfəlik və təqvim ödəmələri hesabına formalaşdırılacaq. Sığortalanan əmanətin məbləği 4 000 manatı üstələyən depozit hesab olunur. 2008-ci ildən bu məbləğ 6 000 manatadək, 2010-cu ildən sonra isə 8 000 manatadək artacaq.