Azərbaycan,Bakı/müxbir Trend S.Əliyev/Martın 19-na qədər Azərbaycan Nəqliyyat Nazirliyi Bakı şəhərinin nəqliyyat infrastrukturunun inkişafı proqramına əlavələrin hazırlanmasını başa çatdırmaq niyyətindədir. Bu barədə Azərbaycanın Nəqliyyat Nazirliyinin nəqliyyat siyasəti və iqtisadiyyatı şöbəsinin rəhbəri Sədrəddin Məmmədov məlumat verib.
O cümlədən, kəsişən yolların üstündən salınan 18 yeni körpü və piyada keçidlərinin tikintisi, ikinci Bakı dairəvi yolunun tikintisinin başa çatdırılması və ikinci Bakı dairəvi yolunun tikintisinə başlamaq təklif olunub. Bundan başqa, proqramda "Məşədi Əzizbəyov" metro stansiyasından Heydər Əliyev adına Beynəlxalq Hava Limanına qədər olan yolun genişləndirməsini nəzərdə tutulub.
Bu proqram Azərbaycan prezidentinin sərəncamına əsasən həyata keçirilir və 2006-2007-ci illər üçün nəzərdə tutulub. Nəqliyyat Nazirliyi proqramı uzatmaq və ona yeni proqramlar əlavə etmək niyyətindədir.
