Azərbaycan,Bakı/ Trend /Azərbaycan Milli Bankında Belarus Milli Bankının İdarə Heyətinin rəhbəri Pyotr Prokopoviçlə görüş keçirilib. Bu barədə AMB-nin məlumatında bildirilib.
Görüş zamanı mərkəzi banklar arasında makroiqtisadi və monetar analiz, maliyyə proqramlaşdırılması, real sektorun və maliyyə-bank bazarının monitorinqi və mərkəzi bankların digər funksional sahələri üzrə müzakirələr aparılıb. Görüşdə həmçinin hər iki ölkənin mərkəzi banklarının gələcək əməkdaşlıq perspektivləri barədə fikir mübadiləsi aparılıb.