...

USAID ÜTT-yə qəbul olunmaq üçün Azərbaycana texniki yardımı artırıb

Biznes və iqtisadiyyat xəbərləri Materials 30 May 2007 21:09 (UTC +04:00)

Azərbaycan, Bakı/ Trend müxbir İ.Xəlilova/ ABŞ hökuməti Ümumdünya Ticarət Təşkilatına qəbul olunma prosesində Azərbaycana yardım etmək barədə qərar qəbul edib. Çərşənbə günü "Mövcud vəziyyət və Azərbayacanın ÜTT-yə üzvlük perspektivləri" mövzusunada seminarda ABŞ səıfirinin birinci müavini Donald Lu bildirib ki, ABŞ-ın beynəlxalq inkişaf Agentliyinin (USAID) xətti ilə 2007-ci ildə ölkəmizə ümumi dəyəri 3,7 mln. dollar olan texniki yardım göstəriləcək. Əvvəlcə bu məbləğ 3 mln. nəzərdə tutulmuşdu.

Lu bildirib ki, yardım qanunvericiliyin ÜTT tələblərinə uyğun olaraq unifikasiyası istiqamətində olacaq. Texniki yardım çərçivəsində İqtisadi İnkişaf Nazirliyi yanında sənədlərin hazırlanmasında Dövlət Komitəsinə yardım edəcək əlavə rezident-məsləhətçi ştatı yaradılacaq.

Danışıqlar qrupunun rəhbəri, xarici işlər nazirinin müavini Mahmud Məmmədquliyevin sözlərinə görə, hazırda qüvvədə olan 40 normativ aktdan 10-dan yuxarısı yenidən işlənilib və Nazirlər Kabinetinə təqdim olunub.

Məmmədquliyev həmçinin bildirib ki, 115 xidmət növündən ÜTT-yə 100-ü təqdim olunub. "Biz hesab edirik ki, onlar liberaldır. Bunlardan ən mühümləri isə maliyyə (bank, sığorta) və energetika sahəsindəı olan 8-10 növ üzrə xidmətlərdir",-deyə nazir müavini bildirib.

Ən yüksək faiz dərəcələri kənd təsərrüfatı, metallurgiya, kimya sənayesi məhsulları üçün təklif olunub. ÜTT-yə üzv ölkələrlə müzakirə olunan əsas məsələlər isə kənd təsərrüfaında subsidiyaların tətbiqiqdir. Məmmədquliyev bildirib ki, ÜTT tərkibində 5-10 faiz daxili subsidiyalara icazə verilir. "Bu gün Azərbaycan ən uzun müddətə (10 il) icazə almaq istəyir və hələ ki, ÜTT-yə üzv ölkələr tərəfindən elə bir ciddi etiraz olmayıb",-deyə nazir müavini söyləyib. ABŞ üç ildir ki, Azərbaycana ÜTT-yə daxil olmaq çərçivəsində məsləhət xidmətləri və sənədlərin hazırlanmasında yardım edir. Yardım ABŞ-ın beynəlxalq inkişaf Agentliyi (USAID) vasityəsilə həyata keçirilib.

Son məsləhət xidməti 2005-ci ildə imzalanmış 981 min dollar məbləğində qrant sazişi çərçivəsində keçirilib. Ilk belə razılaşma üç il bundan öncə 1,943 mln. məbləğində saziş olmuşdu.

Xəbər lenti

Xəbər lenti