Azərbaycan, Bakı /müx. Trend Ü.İsmayılova/ Cümə günü keçirilən mətbuat konfransında İqtisadi Araşdırmalar Mərkzinin rəhbəri Qubad İbadoğlu bildirib ki, yanvar-may ayları ərzində Azərbaycanda inflyasiya 17,44% təşkil edib.
Ekspertin hesablamalarına görə, 2007-ci ilin yanvar ayında inflyasiyanın səviyyəsi 12,03%, fevralda 2,75%, martda 2,17%, apreldə 0,64% təşkil edir. May ayından başlayaraq ölkədə deflyasiya prosesi gedib: may ayında 0,18%, iyunda 0,13%.
İbadoğlu qeyd edib ki, son iki ay ərzində müşahidə olunan deflyasiya istehsal qiymətləri indeksinin azalması ilə əlaqədardır və bunun səbəbi mövsümi göstəricilərdədir.
"İyul ayından başlayaraq ölkədə qiymətlərin artımı müşahidə olunacaq, istehsal qiymətlərinin indeksi parallel olaraq artacaq və bu, növbəti inflyasiyaya gətirib çıxaracaq" - deyə o bildirib. Aşağıdakı cədvəl yanvar-iyun ayları ərzində istehsal qiymətləri indeksini göstərir:
| Bakı | Regionlar | Ümumi | |
| İstehsal qiymətləri indeksi | 18,06 | 16,65 | 17,44 |
| Yeyinti | 13,31 | 12,66 | 13,02 |
| Qeyri-yeyinti | 14,28 | 12,94 | 13,69 |
| Xidmətlər | 35,51 | 31,96 | 33,95 |
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
