Azərbaycan, Bakı / Trend / Azərbaycan Respublikası Dövlət Neft Şirkəti (ARDNŞ) Heydər Əliyev adına Bakı dərin dəniz özülləri zavodu "Neft daşları" yatağında quraşdırılacaq N2415 platforması üçün qazma blokunun tikintisini başa çatdırıb. Bu barədə çərşənbə axşamı ARDNŞ-dan məlumat verilib.
Bu quraşdırılma Xəzər Dəniz Neft Donanmasına məxsus "General Şıxlinski" kran gəmisi vasitəsilə həyata keçiriləcək.
Platforma iki blokdan ibarətdir (qazma və texniki) və 12 quyunun qazılması üçün nəzərdə tutulub. Hər blokun çəkisi 530 tondur. Texniki blokun tikintisi praktiki olaraq başa çatdırılıb. Blok quraşdırılma üçün dənizə bir ay ərzində göndəriləcək.
