...

Azərbaycanın "Naxçıvan" dəniz neft-qaz strukturunda qazıntı işləri 2008-ci ildə başlaya bilər

Energetika Materials 28 Sentyabr 2007 17:29 (UTC +04:00)

Trend-i buradan izləyin

Azərbaycan, Bakı / Trend , müxbir A.Bədəlova/ ARDNŞ-nın geologiya, geofizika və işlənmə üzrə birinci vitse-prezidenti Xoşbəxt Yusifzadənin verdiyi məlumata görə, ARDNŞ 2008-ci ildə "Naxçıvan" dəniz perspektiv strukrutunda yeni kəşfiyyat quyusunun qazılmasını isitisna etmir. Quyunun layihə dərinliyi 6200 metr təşkil edə bilər.

"Naxçıvan" strukturunda kəşfiyyat qazıntısı artıq Amerikanın "ExxonMobil" şirkəti tərəfindən aparılıb, lakin kommersiya baxımndan cəlbedici karbohidrat ehtiyatları aşkar olunmayıb. Şirkət işin davam etdirilməsindən imtina edib. Bəzi məlumatlara görə, "ExxonMobil" şirkəti tərəfindən qazılan quyu yatağın konturundan kənara çıxıb.

"Hazırda "Naxçıvan" strukturunda qazma işlərinin başlanması ilə bağlı, ayrı-ayrı şirkətlərlə danışıqlar aparılır", - deyə Yusifzadə bildirib.

ARDNŞ-dən olan mənbələrin verdiyi məlumata görə, Dövlət Şirkəti "Naxçıvan" yatağında quyunun qazılması ilə bağlı xarici şirkətlə PSA tipli müqavilə imzalaya bilər. Xarici şirkətin layihəyə cəlb edilməsi quyunun qazılmasının baha başa gəlməsi ilə əlaqədardır. Quyunun gələcəkdə işlənməsi ilə bağlı operator da xarici şirkət ola bilər.

"Biz (şəxsi vəsaitlər hesabına) strukturda qazma işlərinə başlamaq istəyirdik, lakin bunun baha başa gələcəyini nəzərə aldıq. Biz təkbaşına risk edə bilmərik" - deyə ARDNŞ-nin geologiya üzrə birinci vitse-prezidenti bildirib.

Şirkətdən olan mənbələr göstərir ki, hazırda ARDNŞ ilə həm qrupda, həm də ayrılıqda müqavilə imzalaya biləcək xarici şirkətlərlə, o cümlədən, Hindistanın ONGC şirkəti ilə də danışıqlar aparılır.

Quyunun qazılmasına Danimarkanın "Maersk" şirkətinin Heydər Əliyev adına qazma qurğusu da cəlb oluna bilər.

Xəbər lenti

Xəbər lenti