Azərbaycan, Bakı, 23 iyul/ Trend , müxbir A.Ələsgərov, A.Bədəlova/ "Cənub axını" qaz kəməri Azərbaycan üçün Avropa ilə əlaqə halqasıdir. Bu barədə Avstriyanın OMV şirkətinin nümayəndəsi Tomas Hyumer (Thomas Huemer) çərşənbə günü elektron poçtla Trend -a məlumat verib.
"Azərbaycan həm "Nabukko" qaz kəməri layihəsi, həm də bizim hamımız üçün uduşlu vəziyyət olacaq "Cənub axını" üçün vacib ehtiyat mənbəyidir", - Hyumer bildirib.
İyunun əvvəlində Rusiya və Avstriya təşəbbüsçüsünün "Qazprom" və İtaliyanın ENİ şirkətlərinin olduğu "Cənub axını" qaz kəmərinə Avstriyanın qoşulması barədə hökumətlərarası saziş imzalamağa dair razılığa gəliblər. Saziş "Nabukko" layihəsinin operatoru OMV-ni layihənin Avstriyadan olan koordinatoru təyin etməyi nəzərdə tutacaq. Koordinator Baumqartenədək qaz ixracı ilə məşğul olacaq gələcək BM-in səhmdar kapitalının strukturunu müəyyən edəcək.
Hyumerin sözlərinə görə, Avstriyanın "Cənub axını" layihəsinin koordinatoru təyin edilməsi il əlaqədar danışıqlar hələ başa çatmayıb.
"Cənub axını" qaz kəməri 2013 - cü ildən Qara dəniz akvatoriyası ilə Rusiyadan Balkan və Avropanın digər ölkələrinə təbii qaz tranziti və tədarükü üçün nəzərdə tutulub.
Hyumer bildirib ki, "Cənub axını" və "Nabukko" layihələri rəqib layihələr deyillər.
"Qaz tədarüklərinin diversifikasiyası məsələsində Nabukko qaz kəməri nömrə birdir. OMV isə, əvvəl olduğu kimi, bu layihəyə sadiqdir", - o bildirib.
Dəyəri $12,4 mlrd. olan "Nabukko" qaz kəməri ilə 2013 - cü ildən Azərbaycan və Mərkəzi Asiyadan Aİ ölkələrinə qaz tədarük etmək nəzərdə tutulur. "Nabukko" layihəsinin iştirakçıları Avstriyanın OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botas və Almaniyanın RWE şirkətləridir. İştirakçılardan hər biri bərabər paya - 16,67 faiz paya malikdir. İri energetika şirkəti Gaz de France da qaz kəməri ilə nəql olunan qazın bir hissəsinin alınmasına maraq göstərir.
Müəlliflə əlaqə saxlamaq üçün elektron ünvan: [email protected]