Azərbaycan, Bakı, 07 avqust / Trend , müxbir A.Bədəlova/ Nyu-Yorkda yerləşən və böyüklüyünə görə, dünyanın üçüncü bankı olan "JPMorgan" 2008 -ci ildə dünyanın neftə tələbatının sutkada 0,6 mln. barel artaraq 86 mln. barelə çatacağını proqnozlaşdırır. Bu göstərici 2007-ci ildə 85,4 mln. barel təşkil edib.
Bankın məruzəsində bildirilir ki, 2008 -ci ilin əvvəlindən dünyanın neftə tələbat artımı ümumilikdə 0,6 faiz təşkil edib. Bankın proqnozlarına görə, cari ilin üçüncü rübündə bu tələbat sutkada 85,7 mln. barel, dördüncü rübdə isə sutkada 86,6 mln. barel təşkil edəcək.
2008 -ci ildə tələbatın ümumi həcmindən sutkada 37,8 mln. bareli İqtisadi Əməkdaşlıq və İnkişaf Təşkilatına (İƏİT) daxil olmayan ölkələrin, sutkada 48,2 mln. barel isə İƏİT ölkələrinin payına düşüb. İlin əvvəlindən bu günədək İƏİT ölkələrində neftə tələbat ABŞ -da tələbatın 3,6 faiz azalması nəticəsində 1,5 faiz azalıb. İƏİT-ə daxil olmayan ölkələrdə tələbat 3,4 faiz artıb, əsasən də Çinin hesabına. Bu ölkədə artım beş faiz təşkil edib.
"JPMorgan"nın qiymətləndirməsinə görə, OPEK-ə daxil olmayan ölkələrdə neftin ixrac həcmi 2008 -ci ildə sutkada 47,4 mln. barel təşkil edib ki, bu da 2007-ci ildə qeydə alınan həcmdən 0,4 mln. barel azdır.
Bankın qiymətləndirməsinə görə, OPEK-ə daxil olmayan ölkələrdə neft hasilatı həcmi ilin əvvəlindən sutkada 47 165 min barel təşkil edib. Keçmiş SSRİ ölkələrində hasilat həcmi 2008 -ci ilin əvvəlindən sutkada 11 950 min barel təşkil edib. Bu həcmin 1 mln. 345 min bareli Qazaxıstanın, 9 mln. 301 min bareli isə Rusiyanın payına düşür.
Məqalə müəllifi ilə əlaqə ünvanı - [email protected]
