Qazaxıstan, Astana, 05 sentyabr/ Trend müxbir K.Konırova/ "Qazaxıstanda neft hasilatı həcminin artması ilə əlaqədar tranzit imkanlarının defisiti məsələsi meydana çıxır", - "KazMunayQaz" SC-nin neftin nəqli üzrə idarəçi direktoru Nurlan Sauranbayev cümə günü bildirib.
"Bu gün Qazaxıstan nefti aşağıdakı şəkildə bölünür: 87 faiz Avropa bazarlarına gedir, 4 faiz Fars körfəzi, 9 faiz Çin istiqamətində", - Sauranbayev bildirib.
Bununla əlaqədar, hazırda Astana marşrutların diversifikasiyası üzrə iş aparır.
2014 - cü ildən ölkə Qazaxıstan Xəzər Neft Nəqli Sistemi (XNNS) və sonra Azərbaycan ərazisindən keçməklə, Bakı - Tbilisi - Ceyhan (BTC) boru kəməri ilə Kaşağan neftinin nəqlinə başlayır. Hazırda XNNS layihəsinin realizəsi üçün ixtisaslaşmış şirkət (ilkin adı "KMQ TransXəzər") təsis edilib.
"Azərbaycandan marşrut Qazaxıstana böyük imkanlar açır", - Sauranbayev bildirib.
"KazMunayQaz"ın vitse-prezdenti Daniyar Berlibayevin bildirdiyinə görə, XNNS 2014 - cü ilədək istismara veriləcək. Belə ki, 2014 - cü ildə ilk Kaşağan neftinin alınacağı gözlənilir. Bununla yanaşı, boru kəmərinin Qazaxıstan hissəsi 2012 - ci ilə tikiləcək. Yaxın vaxtlarda Azərbaycan ərazisindən "Tengiz" yatağından hasil edilən qaz neftinin nəqlinə başlamaq nəzərə tutulur. Bu yatağı Amerikanın Chevron şirkəti işləyir.
""Kaşağan" yatağından neftin nəqli başlayanda XNNS - nin, o cümlədən
dənizin Azərbaycan sektorundakı digər seqmentləri tikilib başa çatdırılacaq", - Berlibayev bildirib.
"Biz, hətta Batumiyə çıxış da daxil olmaqla, neftin gələcək istiqamətini Azərbaycanla bağlamalı olacağıq. Belə ki, BTC- də məhdudiyyətlər var və Qazaxıstan neftinin bütün həcmi bu kəmərlə nəql edilə bilməyəcək", - "KazMunayQaz"ın vitse-prezidenti qeyd edib.
Qazaxıstanın energetika və mineral ehtiyatlar naziri Sauat Mınbayevın əvvəllər bildirdiyinə görə, birinci mərhələdə XNNS və Bakı - Tbilisi - Ceyhan boru kəməri ilə, sonradan ildə 38-56 mln. tonadək genişləndirilməklə, ildə 23,3 mln. ton neft nəql etmək nəzərdə tutulur.
Müəlliflə əlaqə saxlamaq üçün elektron ünvan [email protected]
49S
Sv
