Azərbaycan, Bakı, 02 oktyabr/ Trend , müxbir N.İsmayılova/ 2008 - ci ilin yanvar -iyunu ərzində Azərbaycandan $16,5 mlrd. həcmində neft məhsulları ixrac edilib ki, bu da ölkənin ümumi ixracatının 96 faizini təşkil edir, - Milli Bankın açıqladığı ödəmə balansında bildirilir. Hesabatda neft məhsullarının üstün mövqelərini saxladığı göstərilir. 2007-ci ilin analoji dövrü ilə müqayisədə, neft məhsullarının ixracı 1,9 dəfə artıb.
İxrac edilmiş neft məhsullarının ümumi həcmindən $1,1 mlrd. neft emalı məhsulları,
$15,4 mlrd. isə xam neftin payına düşür. Bununla yanaşı, $14,9 mlrd. ABƏŞ-i n hasil etdiyi xam neftin payına düşür. Bunun $7,3 mlrd.-ı Azərbaycanın payına düşən mənfəət nefti, $7,6 mlrd.-ı isə iri neft şirkətlərinin ölkədə neft - qaz layihələrinə yatırdıqları birbaşa sərmayələrin hesabına repatriasiya etdikləri xammaldır. Dövlət Neft Şirkəti və digər müəssisələr ölkədən xaricə $0,5 mlrd. məbləğdə xam neft çıxarıblar.
Diqqətəlayiq faktdır ki, qeyri - neft sektorunun payına düşən ixrac mallarının ümumi dəyəri 17,5 faiz - $674,3 mln.- dək artıb. Bu artım qara və əlvan metalların, maşınqayırma və kənd təsərrüfatı məhsullarının ixracı hesabına təmin edilib.
Birinci yarımildə ixrac 1,9 dəfə - $17,2 mlrd.-dək artıb.
Müəlliflə əlaqə saxlamaq üçün elektron ünvan: [email protected]
