Qazaxıstan, Almatı, 08 oktyabr / Trend , müxbir K.Konırova/ SOCAR (Azərbaycan Dövlət Neft Şirkəti) Xəzər neft nəqli sisteminin (KCTS) yaradılması üzrə məsələlərin operativ həlli üçün Astanada öz nümayəndəliyini açıb.
SOCAR-ın Astanadakı nümayəndəliyinin rəhbəri Vurğun Cəfərov çərşənbə günü Trend -ın xüsusi müxbirinə bildirib ki, SOCAR-ın Qazaxıstandakı nümayəndəliyi Qazaxıstan neftinin Bakı-Tbilisi-Ceyhan (BTC) boru kəməri ilə ixracına yardım göstərəcək KCTS-nın yaradılması üzrə məsələlərin tezliklə həllinə imkan yaradacaq.
"İşçi qrupun müntəzəm olaraq görüşlərin keçirilməsi üçün daima Bakıdan Astanaya getmələrinə ehtiyac qalmayacaq", - deyə Cəfərov bildirib.
Qazaxıstan 2013-cü ildən sonra "Kaşaqan"dan əldə etdiyi şəxsi neftini ildə 50 mln.ton gücündə olan Bakı-Tbilisi-Cehan neft kəməri ilə nəql etməyi planlaşdırır.
SOCAR Astanada sentyabrın 9-da qeydiyyatdan keçib.
Məqalə müəllifi ilə əlaqə ünvanı- Capital