Azərbaycan, Bakı, 24 dekabr/ Trend / "Pirsaat" yatağının işlənilməsi müqaviləsinin iştirakçıları üç yeni quyu qazaraq, 2009-cu ildə yataqdan neft hasilatı həcmini artırmağı planlaşdırırlar, - yatağın işlənilməsinin iştirakçısı olan SOCAR şirkətinin (Azərbaycanın Dövlət Neft Şirkəti) yüksək vəzifəli nümayəndəsi bildirib.
"Bundan əvvəl tərəflər iş proqramı və gələn ilin büdcəsini nəzərdən keçiriblər. Əvvəldən üç yeni quyunun qazılması nəzərdə tutulurdu. Bununla hasilatın artacağı güman olunur", - mənbə deyib.
2009- cu ilin büdcəsi çərçivəsində yatağın işlənilməsinə sərmayələrin həcmini açıqlamayan mənbənin sözlərinə görə, bu, kiçik layihədir və hazırda layihə çərçivəsində hasilat həcmi kiçikdir.
"Pirsааt" quru yаtаğının işlənməsinə dаir müqаvilə 2003-cü il iyunun 4-də imzаlаnıb. Müqаvilənin iştirаkçılаrı аşаğıdаkı kimidir: SOCAR - 20%, "Shengli Oil" 50%, "Middle East Petrol"- 30%.
Cari ildə yataqdan 2007-ci ildəki 8,6 min tona qarşı 8 min ton neft hasil etmək planlaşdırılırdı, - Shengli Oil-dən əvvəllər bildiriblər. Yataqdan qazın hasilatı hələ ötən il dayandırılıb.
Hasilat həcmlərinin azalması quyulardakı texniki problemlər və yataqdakı qalıq neft həcminin güman edilən həcmlərə uyğun olmaması ilə bağlıdır, - Shengli Oil - dəki mənbə əvvəllər bildirib.
Müəlliflə əlaqə saxlamaq üçün elektron ünvan: [email protected]