Qazaxıstan, Astana, 26 fevral / Trend , müxbir K.Arınova /
Bu gün Astanada "KazMunayQaz" Milli Şirkəti" SC-nin (KMQ) prezidenti Kairgeldı Kabıldinlə StatoilHydro-nun baş icraçı direktoru Helqe Lundun görüşü keçirilib. Bu haqda Trend -ın xüsusi müxbirinə KİV-lə əlaqələr departamentinin direktoru Qalım Tumabayev məlumat verib.
"Görüşün gedişində KMQ SC və StatoilHydro "Abay" layihəsi üzrə birgə iş məsələlərini müzakirə ediblər", - Tumabayev deyib.
O xatırladıb ki, Norveç tərəfinin təşəbbüsü ilə 2009-cu ilin əvvəlində KMQ və StatoilHydro rəhbərlikləri arasında "Abay" layihəsi üzrə birgə iş aparılmasının mümkünlüyü ətrafında müzakirələrdən ibarət bir neçə görüş keçirilib.
Tumabayevin sözlərinə görə, görüşdə strateji tərəfdaşlıq məsələləri, həmçinin KMQ SC-nin StatoilHydro-nun xarici aktivlərində iştirakı da müzakirə olunub.
KMQ və StatoilHydro Norveç Şirkəti ilə iş münasibətləri 2005-ci ildə, əməkdaşlıq haqda ilk razılıqlar əldə olunandan sonra qurulub.
"Abay" Xəzər dənizinin Qazaxıstan sektorunun akvatoriyasında, Bozaşi yarımadasının sahilindən 60-70 km şimal-qərbində yerləşir. İşlərin görüldüyü yerdə suyun dərinliyi 8-10 metrdir. "Abay" sahəsinin torpaqaltı kompleskinin əsas tədqiqat obyektləri əhəng, yur və trias çöküntüləridir.
Qazaxıstan 2005-ci il iyunun 13-dən məhsulun bölüşdürülməsi şərtilə yeraltı sərvətlərdən istifadəyə icazə vermək haqda qərar qəbul edib və "KazMunayQaz" SC ilə müqavilə bağlanıb.