Azərbaycan, Bakı, 28 avqust / Trend , müxbir E.İsmayılov /
Bu ilin birinci yarısında Gürüstanın Poti Beynəlxalq Qara dəniz ticarət limanı təxminən 2,7 milyon ton yük göndərib. 2008-ci ilin birinci yarısında bu göstərici 4,1 milyon ton olub. Bu barədə Gürcüstan hökumətinin məlumatında deyilir.
Bu ilin birinci rübündə mayedaşıma yüklərinin payına təxminən 400 min ton düşüb. Ötən il bu rəqəm 500 min ton olub. Liman əsasən Azərbaycandan və Azərbaycan vasitəsilə Orta Asiyadan nəql olunan neft məhsullarını ötürür.
Daşınmaların ümumi həcmindən 2,3 milyon ton quru yüklərin payına düşüb. Ötən il bu göstərici 3,6 milyon ton təşkil edib.
Bir müddət əvvəl mənbənin dediyi kimi, ilkin proqnozlara görə, bu il Poti limanı təxminən 1,5 milyon ton neft məhsullarının yüklənməsini planlaşdırır. Lakin böhran səbəbindən bu il limanın yükləmə həcminin 20-30 faiz azalacağı gözlənilir. Azalma xüsusilə neftdaşıma yüklərində gözlənilir.
Bu il Poti limanı ümumilikdə təxminən 8 milyon ton müxtəlif yüklərin ötürülməsini planlaşdırır.
Məqalə müəllifi ilə əlaqə ünvanı: [email protected]
