Azərbaycan, Bakı, 09 sentyabr / Trend /
"Ekol Mühəndislik Xidmətləri" QSC Heydər Əliyev adına Neft Emalı Zavodu ərazisində mexaniki təmizləmə qurğularının tərkib hissəsi olan sənaye sularının təmizləndiyi hovuzda təmizləmə və təmir-bərpa işləri aparır. Bu barədə QSC-dən verilən məlumatda deyilir. Bu NEZ Azərbaycanda neft məhsulları istehsal edən iki zavoddan biridir.
Məlumatda deyildiyi kimi, hovuz bu yaxınlarda istismara veriləcək ki, bu da sənaye sularının keyfiyyətinə müsbət təsir edəcək.
Mexaniki təmizləmə qurğularının bir neçə hissəsi ötən əsrin 50-ci illərində qurulub və uzunmüddətli istismar nəticəsində bu hissələr işlək vəziyyətdə deyil. Hazırda mexaniki təmizləmə qurğuları QSC-nin istifadəsindədir. QSC bu qurğularda mütəmadi olaraq bərpa işləri aparır və onları tədricən istifadəyə verir.
2006-cı ildə Abşeron yarımadasında mövcud olan ekoloji problemlərin həlli üçün yaradılan QSC-nin təsisçiləri ARDNŞ (51 faiz) və Lancer A.S. Services (49 faiz ) şirkətləridir.
