Azərbaycan, Bakı, 07 noyabr / Trend , müxbir E.İsmayılov/
Yaxın zamanlarda ARDNŞ (Azərbaycan Respublikası Dövlət Neft Şirkəti) və Türkiyə tərəfi arasında Azərbaycanın "Şahdəniz" qaz-kondensat yatağından hasil edilən qazın qiymət məsələsi və Azərbaycan qazının Türkiyə ərazisindən tranziti məsələsinə dair danışıqların növbəti mərhələsi keçiriləcək. Bu barədə ARDNŞ-nin yüksək vəzifəli nümayəndəsi bildirib.
"Dəqiq vaxtı deyə bilmərəm, ola bisin ki, gələn həftə görüş keçiriləcək", - ARDNŞ nümayəndəsi deyib.
ARDNŞ nümayəndəsinin sözlərinə görə, sonuncu görüş Ankarada keçrilib. Mənbənin fikrincə, bir neçə gün ərzində danışıqların növbəti mərhələsinin keçirilməsinin yeri və vaxtı müəyyən ediləcək.
Mənbə bildirb ki, tərəflər arasında müəyyənləşdirilmiş ticari məsələlər hələ tam razılaşdırılmayıb, hazırda tərəflər arasında mövqelərin yaxınlaşması baş verir. Danışıqların başa çatması və müəyyən nəticələrin əldə edilməsi mümkündür. "Düşünürəm ki, yaxın zamanlarda bütün razılaşdırılmamış məsələlərin həlli mümkün olacaq", - ARDNŞ nümayəndəsi əlavə edib.
ARDNŞ prezidenti Rövnəq Abdullayevin daha öncə dediyi kimi, məsələlərin böyük hissəsi və hasilatın birinci mərhələsi çərçivəsində "Şahdəniz" yatağından Türkiyəyə tədarük ediləcək Azərbaycan qazının nisbi qiymətinin texniki göstəriciləri, həmçinin həmin layihənin ikinci mərhələsi çərçivəsində Türkiyə üçün əvvəlcədən təyin edilmiş həcm məsələsi həll olunub.
Azərbaycan və Türkiyə tərəfinin qazın qiymət formulu məsələsindəkı mövqeləri tədricən yaxınlaşır. "Əsas problem qiymətlərin müəyyənləşdirilməsi formuludur, bu planda Türkiyənin və bizim öz mövqelərimiz var, lakin biz yavaş-yavaş bir-birimizə yaxınlaşırıq", - Abdullayev əlavə edib.
Bu gün Azərbaycan qazı Türkiyəyə 1000 kubmetri 120 dollara tədarük edilir. Türkiyənin daxili bazarında isə tədarükçülər üçün qazın 1000 kubmetrinin dəyəri 380 dollardır.
Türkiyə ilə bağlanmış müqavilədə göstərildiyi kimi, "Şahdəniz" qazının qiymətinə hasilatdan bir il sonra baxılmalıdır, başqa sözlə desək, qazın yeni qiyməti 2008-ci il aprelin 15-dən sonra tətbiq ediləcək.
Müqaviləyə əsasən, layihənin birinci mərhələsi çərçivəsində Türkiyə "Şahdəniz" yatağından 6,6 milyard kubmetr qaz əldə etməlidir. Layihəyə dair qaz tədarükünün bu həcmi cari ildə əldə olunacaq.
"Şahdəniz" yatağının işlənməsinə dair müqavilə 1996-cı il iyunun 4-də imzalanıb. Layihə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, ARDNŞ - 10 faiz.
Məqalə müəllifi ilə əlaqə ünvanı: [email protected]
