Gürcüstan, Tbilisi, 04 dekabr / Trend , müxbir N. Kirsxaliya/
Avropa Komissiyasının Inogate energetika proqramı çərçivəsində həyata keçirilmiş işlərə baxış məqsədi ilə, Gürcüstanın Enerji Nazirliyində informasiya görüşü keçirilib.
Nazirlikdən verilən məlumata görə, görüşdə Enerji nazirliyinin, Avropa komissiyasının nümayəndələri, Inogate-in işçi qrupunun üzvləri və dəvət olunmuş ekspertlər, enerji şirkətlərinin və agentliklərinin rəhbərləri, beynəlxalq maliyyə, hökümət və qeyri-hökümət təşkilatlarının üzvləri iştirak ediblər.
Görüşdə Inogate proqramı çərçivəsində gələcəkdə planlaşdırılan və hazırda davam edən Gürcüstanın fəal daxil olduğu layihəyə baxılacaq. Hazırki layihələr əsasən enerji təhlükəsizliyinin təminatına, regional enerji bazarlarının inteqrasiyasına və investisiyaların cəlb olunması yardımına istaqamətləndirilib.
İnograte proqramı Avropa komissiyasının 1999-cı ildən regionda həyata keçirdiyi enerji əməkdaşlığının mühüm vasitəsini təqdim edir. Onun əsas məqsədi Avropa Komissiyasının texniki dəstəyini təmin etmək yolu ilə layihələrin həyata keçirilməsinə yardım etməkdir.
