Azərbaycan, Bakı, 11 fevral / Trend , müxbir E.İsmayılov/
Hazırda Gürcüstanda ARDNŞ brendi altında 29 yanacaqdoldurma stansiyası (YDS) fəaliyyət göstərir. Bu barədə SOCAR Energy Georgia şirkətindəki mənbə cümə axşamı bildirib.
"Gürcüstanda YDS-lərin sayı artıb. Hazırda onların sayı 29-dur", - mənbə deyib.
Onun sözlərinə görə, bu günlərdə Tbilisi, Borjomi və Dapnaridə YDS-in açılması planlaşdırılır.
Ümumilikdə, 2010-cu ildə Azərbaycanda ARDNŞ brendi altında 30 yeni YDS-in açılması planlaşdırılır.
SOCAR Energy Georgia Gürcüstanın neft və neft məhsulları bazarında distribüterlik və marketinqlə məşğuldur. Şirkət Gürcüstan bazarında neft məhsulları və qaz satır.
SOCAR Georgia-nın həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və Vano Çxartişvili - 16,3 faiz.
