Azərbaycan, Bakı, 27 fevral/ Trend müxbir E.İsmayılov
Qazaxstanda "Tengiz" yatağı layihəsinin operatoru olan Tengizchevroil şirkəti öz neftinin nəqlinin bərpası üçün müqavilə bağlanmasın dair Bakı-Tbilsi-Ceyhan boru kəmərinin səhmdarları ilə danışıqlar aparır. Bu barədə şənbə günü ARDNŞ-nin rəhbəri Rövnəq Abdullayev bildirib.
"Hazırda danışıqlar davam edir. Müəyyən irəliləyiş var. Lakin hələlik danışıqlar başa çatmayıb", -Abdullayev bildirib.
ARDNŞ rəhərinin məlumatına əsasən hazırda həmçinin Qazaxstan neftinə iki dəfə artıq vergi qoyulması məsələsi həll edilir. Onun sözlərinə əsasən Azərbaycan və Qazaxstan arasında mövcud olan "İkiqat vergi qoyuluşundan yayınma haqqında" müqavilə mövcuddur və bu müqaviləyə əsasında məsələ həll ediləcək.
2009-cu ildə Bakı-Tbilisi- Ceyhan ilə "Tenqiz"yatağından 1,9 milyon ton neft nəql olunub. 2008-ci ilə də BTC vasitəsi ilə 258,1 min ton Qazaxstan nefti nəql olunub.
BTC boru kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisindən keçir.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,50 faiz); ConocoPhillips (2,50 faiz) və Amerada Hess (2,36 faiz).
