Azərbaycan, Bakı, 24 aprel /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) mayın 7-də Bakıda ilk üç yanacaqdoldurma stansiyasını (YDS) istismara verəcək. Bu barədə şənbə günü ARDNŞ pezidenti Rövnəq Abdullayev bildirib.
Onun sözlərinə görə, ilin sonunadək ARDNŞ-nin brendi altında daha 9 YDS istismara veriləcək.
Hazırda ARDNŞ Gürcüstanda 30-dan çox yanacaqdoldurma stansiyası tikərək istismara verib. Bu il daha 30 stansiyanın istismara verilməsi planlaşdırılır.
Şirkət Ukraynanın pərakəndə neft məhsulları bazarında da fəaliyyətini genişləndirir. Hazırda ARDNŞ bu ölkədə 20-yə yaxın YDS-in rebrendiqini keçirir. Həmin stansiyalarda neft məhsullarının satışına mayda başlanması gözlənilir.