Türkmənistan, Aşqabad, 3 iyun /Trend, müxbir H.Həsənov/
Beynəlxalq Çin milli neft-qaz korporasiyası Türkmənistanın neft quyularında geofiziki tədqiqatlar aparmaq üzrə tender elan edib.
Ərizələrin son verilmə tarixi 2010-cu il 12 iyun, yerli vaxtla saat 15:00-a qədərdir.
Bununla yanaşı, 2010-2011-ci illərdə müqavilədə göstərilmiş Baqtıyarlıq ərazisində (Türkmənistanın şərqi) quyuların təmiri və buna müvafiq xidmətlərin göstərilməsi üzrə tender elan edilib.
Ərizələrin son verilmə tarixi 2010-cu il 5 iyun, yerli vaxtla saat 15:00-a qədərdir.
Sözügedən tenderdə iştirak etməkdə maraqlı olan istənilən şirkət aşağıda göstərilən məlumatlar və sənədlərlə iştirak üçün ərizə verə bilərlər:
- şirkət haqqında qısa məlumat;
- şirkətin qeydiyyat sənədi və səlahiyyətli şəxsin icazəsi;
- istehsal olunan məhsul standartları;
- son üç il ərzində analoji məhsulların tədarükü haqqında sənəd.