Azərbaycan, Bakı, 20 noyabr /Trend, müxbir E.İsmayılov/
ARDNŞ-nin proqramına əsasən, "Avro-3" standartlarına cavab verən benzinin istehsalı 2015-ci ilə planlaşdırılır. Trend-in məlumatına görə, bunu jurnalistlərə ARDNŞ-nin emal üzrə vitse-prezidenti David Məmmədov deyib.
Onun sözlərinə görə, şirkətin istehsal etdiyi dizel yanacağı artıq "Avro-3" standartına uyğun gəlir.
Yanacağın keyfiyyətinin sonralar "Avro-4" və "Avro-5" standartlarına qədər artırılması ARDNŞ-nin Bakının Qaradağ rayonunda tikintisi planlaşdırılan yeni neft və qaz emalı üzrə neft-kimya kompleksini istismara verməsindən sonra mümkün olacaq.