Azərbaycan neftinin qiymətləri: 28 aprel-2 may həftəsinin yekunları

Azərbaycan, Bakı, 5 may /Trend, müxbir E.İsmayılov/

Ötən həftə - 28 aprel-2 may tarixlərində Azərbaycanın İtaliyanın Augusta limanından CIF şərtləri ilə Supsa, Batumi (Gürcüstan) və Ceyhan (Türkiyə) limanları vasitəsilə satdığı AZERI LT (CIF) növlü neftin orta qiyməti 111,61 dollar/barel olub ki, bu da ötən həftənin göstəricisindən 0,76 dollar azdır.

Trend-in məlumatına görə, 28 aprel-2 may həftəsində AZERI LT-nin qiyməti maksimum 112,66, minimum isə 110,68 dollar/barel təşkil edib.

28 aprel-2 may həftəsində Azərbaycanın Novorossiysk limanından satdığı URALS (EX-NOVO) növlü neftin qiyməti 106,51 dollar/barel təşkil edib ki, bu da ötən həftənin göstəricisindən 1,49 dollar azdır.

28 aprel-2 may həftəsində URALS-ın qiyməti maksimum 107,28, minimum isə 105,65 dollar/barel olub.

URALS-ın API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.

28 aprel-2 may həftəsində "Brent Dated" növünün orta qiyməti 109,14 dollar/barel təşkil edib ki, bu da ötən həftənin göstəricisindən 0,13 dollar çoxdur.

Ötən həftə "Brent Dated"in maksimum qiyməti 110, minimum isə 108,31 dollar/barel təşkil edib.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin