Azərbaycan, Bakı, 5 iyun /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) bu ilin sentyabr-oktyabr aylarında Sumqayıtda karbamid zavodunun tikintisinə başlamağı planlaşdırır.
Trend-in məlumatına görə, bunu ARDNŞ-nin emal üzrə vitse-prezidenti David Məmmədov Bakıda XXI Azərbaycan Beynəlxalq Xəzər Neft və Qaz - 2014 (Caspian Oil&Gas) konfransında deyib.
Onun sözlərinə görə, iyunun sonunadək baza mühəndisliyi üzrə işləri başa çatdırmaq, iyun-iyulda isə layihənin ətraflı mühəndisliyinə başlamaq planlaşdırılır.
Zavod 2016-cı ilin sonunadək istismara veriləcək. Bu müəssisə ölkədə kənd təsərrüfatının inkişafına müsbət təsir edəcək və ərzaq təhlükəsizliyinin təminatına öz töhfəsini verəcək.