Azərbaycan, Bakı, 14 oktyabr /Trend/
Qazaxıstanda Rusiya istiqamətinə alternativ neft ixracı variantları, o cümlədən neftin Aktau limanı və Xəzər dənizi vasitəsilə Azərbaycana tədarükü məsələsi öyrənilir. Trend-in məlumatına görə, bunu Qazaxıstan Milli İqtisadiyyatı Nazirliyindən "Novosti-Qazaxıstan" agentliyinə deyiblər.
Nazirlikdən qeyd ediblər ki, mövcud vəziyyətə görə, Rusiya əleyhinə sanksiyalar RF-dən Avropa İttifaqına neft-qaz tədarükünün dayandırılmasına, həmçinin Qazaxıstan neftinin Rusiyanın boru kəmərləri ilə tədarükünə təsir etməyəcək: "Bununla belə, neft ixracının şaxələndirilməsi məsələsi öyrənilir, Qazaxıstan neftinin daha potensial satış bazarı Çindir. Digər alternativ isə İranla olan variantdır".