Bakı. Hüseyn Vəliyev - Trend:
Azərbaycana idxal edilən benzin müəyyən edilmiş bütün keyfiyyət normalarına uyğun gəlir.
Trend-in məlumatına görə, bunu Standartlaşdırma, Metrologiya və Patent üzrə Dövlət Komitəsinin sədri Ramiz Həsənov jurnalistlərə deyib.
Onun sözlərinə görə, Azərbaycana "Premium" markalı benzin idxal edilir: "Ölkəyə idxal edilən benzin müəyyən edilmiş bütün keyfiyyət normalarına uyğun gəlir. Yalnız idxal edilən benzinin həcmləri ilə bağlı problemlər yarana bilər. Bu məsələlər tənzimlənir".