Trend bildirir ki, sentyabrın 10-da 36 km-də 110 kV Xəzri-Siyəzən EÖX və Siyəzən rayonunda 110 kV yarımstansiyanın istismara verilməsi mərasimi keçirilib.Tədbirdə Türkiyənin tərkibində 51 sahibkar olan nümayəndə heyəti, parlamentarilər, enerji obyektlərinin rəhbərləri, AR iqtisadi inkişaf nazirlyiinin, sənaye və energetika nazirliyinin, müxtəlif qeyri hökumət orqanlarının nümayəndələri iştirak edib.
Mərasimdə çıxış edən Barmek Azerbaycan şirkətinin prezidenti Hüseyn Arabul qeyd edib ki, onun başçılıq etdiyi şirkətin məqsədi Bakı və Sumqayıt enerji paylayıcı şəbəkəsinin xidmət keyfiyyətinin artırılmasıdır.Bu enerji obyektlərinin istismara verilməsi həmin regionun enerji təchizatını xeyli yaxşılaşdıracaq. Barmek Azerbaijan prezidenti həmçinin Sumqayıt enerji paylayıcı şəbəkəsinə daxil olan şimal-şərq regionlarının enerji təchizatının inkişafı üçün 110 kV gərginlikli Xaçmaz-Yalama EÖX-nin də dəyişdirilməsini vacib hesab edir.
Barmek Azerbaijan şirkətinin texniki departamentinin rəisi Vəfa Ağayev qeyd edib ki, EÖX dünya standartlarına müvafiq qaydada çəkilib.EÖX avadanlıcı Türkiyədən və Almaniyadan idxal edilib. "Əvvəllər bu regionların enerji təchizatında problemlər var idi, belə ki, köhnə EÖX keyfiyyətli enerji təchizatını həyata keçirməyə imkan vermirdi, elektrik enerjisinin nəqlində böyük itkilər mövcud idi. Yeni xətt enerji təchizatının keyfiyyətini artırmağa imkan verdi və itkini həcmi bizim nəzərdə tutduğumuzdan da çox endi" - deyə o bildirib.
Öz növbəsində, Türkiyə parlamentinin sənaye, ticarət və energetika komissiyasının sədri Soner Aksoy vurğulayıb ki, Azərbaycanın enerji paylaşdırıcı şəbəkələrin özəlləşdirilməsindəki təcrübəsi Türkiyə üçün əhəmiyyətlidir.Siyəzən rayonu İcra hakimiyyətinin başçısı Mövsüm Bədirxanov rayonun enerji təchizatında əldə olunmuş müsbət nəticələrdən danışıb.
