...

Azərenerji SC SCADA çərçivəsində təkliflərə baxılmağa hazır olması ilə bağlı maraqlı şirkətləri xəbərdar edib

Energetika Materials 17 Dekabr 2005 14:15 (UTC +04:00)

Azərenerji SC əhalinin və sənaye obyektlərinin enerji təchizatının etibarlılıq və keyfiyyətini yüksəldəcək SCADA sisteminin tətbiq edilməsi layihəsinin ikinci mərhələsinin həyata keçirilməsi çərçivəsində təkliflərə baxılmağa hazır olması ilə bağlı maraqlı şirkətləri xəbərdar edib.

Azərenerji-nin vitse-prezidenti Marlen Əsgərov Trend ə bildirib ki, SC tərəfindən 4 şirkət seçilib və 2006-cı il yanvarın 19-dək texnika və materiallarla bağlı öz təkliflərinin təqdim edilməsi barədə bildiriş göndərilib.

SCADA sisteminin tətbiq edilməsi layihəsinin ikinci mərhələsinin həyata keçirilməsinə dair kredit sazişi 2005-ci il noyabrın 8-də Bakıda Azərbaycan hökuməti ilə Beynəlxalq yenidənqurma və inkişaf bankı (BYİB Dünya bankının strukturudur) arasında imzalanıb.Kreditin həcmi $48 mln. təşkil edir və bu, BYİB-in şərtləri ilə Azərbaycana verilən ilk kreditdir. Kreditin müddəti 8 illik güzəştlə (LIBOR +0,5%) 20 il təşkil edir. Layihənin ümumi dəyəri $55 mln. ( Azərbaycan hökumətinin payı $7 mln.) təşkil edir.

Azərbaycan Dünya bankı ilə 1992-ci ildən əməkdaşlıq edir, 1995-ci ildə isə Bakının su təchizatı sisteminin yenidən qurulması layihəsinə ilk kredit ayrılıb. Hazırda Dünya banık ilə ümumi dəyəri $655,8 mln. olan 24 layihə üzrə kredit sazişləri imzalanıb. Bunlardan 9-u artıq başa çatıb.Bütün kreditlərdən $241,3 mln. ölkə iqtisadiyatının reabilitasiyasına və institusional xərclərə, $414,5 mln digər layihələrə ayrılıb. Dünya bankı tərəfindən Azərbaycana 2006-09-cu illərdə ölkəyə strateji yardım çərçivəsində ildə $300 mln. ayrılacaq.

Xəbər lenti

Xəbər lenti