Azərbaycan Dövlət Neft Şirkətinin aparatında yeni Kapital Qoyuluşları İdarəsi yaradılıb. Bu barədə Trend ə ARDNŞ-dən məlumat verilib. Əvvəllər ARDNŞ-in neft və qaz hasilatı üzrə "Azneft" İstehsalat Birliyi rəhbərinin müavini vəzifəsində çalışmış Ağasəf Əliyev idarənin rəisi təyin edilib.
ARDNŞ-in mətbuat xidmətindən Trend ə verilən məlumata görə, yeni idarədə 3 şöbə fəaliyyət göstərəcək. İdarənin özü isə şirkət aparatında sayca 4-cüdür. Beləliklə, aparatda işlər, hüquq, maliyyə-iqtisadi və kapital qoyuluşları idarələri fəaliyyət göstərir.