Sabah İstanbulda (Türkiyə) TRACECA nəqliyyat dəhlizində üzv dövlətlər üçün ekspeditorların və operatorların hazırlanması layihəsi çərçivəsində seminar işə başlayıb. Bu haqda Trend -ə Azərbaycan üzrə TRACECA-nın milli katibi Akif Mustafayev məlumat verib.
Bu layihə üzrə Avropa Komissiyası tenderinin qalibi olan Niderland şirkəti NEA tərəfindən reallaşdırılacaq.
Ekspeditorların hazırlanması layihəsi 10 ölkəni əhatə edəcək. Türkiyə, Bolqarıstan və Rumınya burada iştirak etməyəcək, belə ki, onlar bu istiqamətdə kifayət qədər inkişaf etmiş xidmətlərə malikdir.
