"Azərenerji" səhmdar cəmiyyəti yaxın vaxtlarda Rusiyanın RAO EES-i nümayəndə heyətinin Bakıya səfərini gözləyir. Səhmdar cəmiyyətin vitse- prezidenti Marlen Əsgərovun Trend ə verdiyi xəbərə görə, danışıqlarda 2007-ci ildə Azərbaycana göndəriləcək elektrik enerjisinin həcmi və qiyməti müzakirə olunacaq.
Bundan əvvəl Azərbaycan Rusiya ilə 2006-cı ilin sonunadək elektrik enerjisinin göndərilməsinə dair razılığa gəlmişdi. 2006-cı ilin sonunadək əməkdaşlıq qəbul olunmuş şərtlərlə davam edəcək. 2007-ci ildə Azərbaycan Rusiyadan 700 mln. kVt/s elektrik enerjisi almalıdır.
Ötən il ərzində Rusiyadan Azərbaycana 1 mlrd. 033 kVt/s elektrik enerjisi göndərilib. Göndərişlər 1kVt/s-a 2,8 sent qiymətilə müəyyənləşib.
