Azərbaycan,Bakı/müxbir Trend /Azərbaycan Dövlət Neft Şirkətinin (ADNŞ) Marketinq və İqtisadi Əməliyyatlar İdarəsi Novorossiyskdən 45 min barrel REVCO neft növünün yüklənməsi ilə bağlı tender elan edib. Bu barədə ADNŞ-dən məlumat verilib. Tenderin qalibi İsveçrənin Sunoil SA şirkəti olub. Bu partiya 29-30 may tarixdə yüklənəcək. Bu, ADNŞ-in öz yataqlarında hasil etdiyi və birgə müəssisə və əməliyyat şirkətlərinin neftidir. Yanvarda Azərbaycan Dövlət Neft Şirkəti Bakı-Novorossiysk boru kəməri vasitəsilə neftinin ötürülməsini həyata keçirməyib. Fevral, mart və apreldə ADNŞ Novorossiyskdən hər biri 450 min barrel həcmində olan üç neft partiyası yükləyib.
ADNŞ tərəfindən bu boru kəməri vasitəsilə ötürülmənin dayandırılması neftin praktiki olaraq bütün həcminin elektrik stansiyaları üçün yanacağın alınması üçün neft emalı zavodlarına göndərilməsi ilə izah olunur. Bu il Azərbaycan elektrik stansiyalarında elektrik enerjisinin alınması üçün yanacaq kimi istifadə olunan Rusyiadan qaz idxalını dayandırıb.
ADNŞ yanvar-mart ərzində ümumilikdə 1 mln. 576,3 min ton xam neft ixrac edib. Şimal boru kəməri olan Bakı-Novorossiysk marşrutu üzrə 183 min 431 ton neft ixrac olunub. 2006-cı il ərzində şimal marşrutu Bakı-Novorossiysk vasitəsilə ADNŞ 1 mln. 172 min ton neft ixrac edib (2005-ci ildə 1 mln. 631 min ton).
2007-ci ildə Novorossiyskdən ADNŞ-in neft partiyalarını əldə etmiş şirkətlər:
Glencore Energy UK Ltd - fevral (450 min barrel);
REOC Ltd - mart (450 min barrel);
Glencore Energy UK Ltd - aprel (450 min barrel);
Sunoil SA - may (450 min barrel).
