Azərbaycan,Bakı/ Trend /Azərbaycan Dövlət Neft Şirkətinin (ADNŞ) Xəzər Dəniz Neft Donanması "Neft-qaz" və "Atlet" tipli gəmilərin, həmçinin "MRK-455" gəmisinin təmiri üçün ehtiyat hissələrinin alınması üzrə tender elan edib. Bu barədə cümə günü ADNŞ-dən məlumat verilib.
Tender şərtlərinə görə, ehtiyat hissələri sifarişçiyə müqavilənin imzalandığı gündən üç aydan gec olmamaq şərtilə təqdim olunmalıdır.
Çatdırılan ehtiyat hissələrinin ödənilməsi bir il ərzində hissə-hissə həyata keçiriləcək. Tenderdə iştirak etmək üçün ərizələr 19 iyundan gec olmayaraq təqdim edilməlidir. Tender təklifləri 27 iyuna qədər təqdim olunmalıdır.
Ehtiyat hissələrinin əldə olunmasında üstünlük veriləcək şərtlər: az dəyər, göndərilmə müddəti və iş təcrübəsidir. Tender təkliflərinin elan olunması iyunun 28-də baş tutacaq.
