Azərbaycan, Bakı / Trend müxbir S.Babayeva/ 2007-ci ilin doqquz ayı ərzində Azərbaycan Rabitə və İnformasiya Texnologiyaları Nazirliyi yalnız bir lisenziya verib. Nazirlikdən verilən məlumata görə, lisenziya poçt xidmətlərinin göstərilməsi üzrə "ARS Ekspres" şirkətinə verilib.
Azərbaycanda rabitə xidmətləri göstərmək məqsədilə icazə almaqda maraqlı olan şirkət lazımi sənədləri təqdim etməklə ərizə ilə müraciət edir. Ərizəyə nazirliyin xüsusi komissiyası tərəfindən baxılır.
Dövlət rüsumunun dəyəri şirkətin təklif edəcəyi xidmətlərdən asılıdır. "ARS Ekspres" (poçt xidmətləri) təklif edəcəyi xidmətlərə görə 2,5 min manat ödəməli olub.