Azərbaycan, Bakı, 15 may / Trend , müxbir S.Babayeva /
ISO/IEC 15408-2008 beynəlxalq təhlükəsizlik standartının ikinci və üçüncü hissələri əsasında hazırlanmış Azərbaycan milli standartları layihəsi Standartlaşdırma, Metrologiya və Patent üzrə Dövlət Komitsinə qeydiyyat üçün təqdim edilib.
"İKT-nin Texniki Komitəsi tərəfindən hazırlanmış sözügedən standartların yaxın günlərdə qeydiyyatdan keçməsi və ölkədə tətbiqi gözlənilir", - Azərbaycan Rabitə və İnformasiya Texnologiyaları Nazirliyindən deyiblər.
İKT-nin Texniki Komitəsi Rabitə və İnformasiya Texnologiyaları Nazirliyi ilə Standartlaşdırma, Metrologiya və Patent üzrə Dövlət Komitəsinin 2008-ci ilin yayında birgə fərmanı əsasında yaradılıb. Texniki Komitənin sədri rabitə və informasiya texnologiyaları nazirinin müavini Elmir Vəlizadədir.
Texniki Komitənin başlıca məqsədi İKT sahəsində beynəlxalq və regional standartlara uyğun olan milli standatların tətbiqini, lazımi normativ sənədlərin hazırlanmasını təmin etmək, onların istifadə effektivliyinin artırmaq, standartlaşdırma üzrə beynəlxalq və dövlətlərarası işlərdə iştirak etməkdir.
Məqalə müəllifi ilə əlaqə ünvanı: [email protected]