Azərbaycan, Bakı, 26 yanvar / Trend , müxbir H.Vəliyev/
Azərbaycanın Rabitə və İnformasiya Texnologiyaları Nazirliyi Regional Rabitə Birliyinin (RRB) radiotezlik spektrindən istifadənin tənzimlənməsi üzrə komissiyasının və RRB-nin peyk rabitəsi, televiziya və radioyayım komissiyasının birgə iclasının işində iştirak edəcək. Bu barədə Rabitə və İnformasiya Texnologiyaları Nazirliyindən Trend -a məlumat verilib.
İclas fevralın 25-26-da Kiyevdə keçiriləcək.
Komissiyaların iclasında 2012-ci ildə keçiriləcək Ümumdünya radiorabitə konfransına hazırlıq, RRB ölkələrində rəqəmsal televiziyanın tətbiqi, MDB ölkələrinin tezliklərinin bölüşdürülməsi üzrə ümumi cədvəlin işlənib hazırlanması, yerüstü xidmət stansiyalarının tezlik resurslarının koordinasiyası üzrə tövsiyələrin istifadəsi, simsiz genişzolaqlı girişin perspektiv texnologiyalarının tətbiqi məsələləri nəzərdən keçiriləcək.
Məqalə müəllifi ilə əlaqə ünvanı: [email protected]
