Azərbaycan, Bakı, 5 may /Trend, müxbir H.Vəliyev/
Azərbaycanın mobil rabitə operatoru Bakcell MMC yaxın və uzaq xaricin bir sıra ölkələri ilə rouminq tariflərinin azaldılması ilə bağlı danışıqlar aparır. Bu barədə cümə axşamı Bakcell-in kommersiya direktoru Krasimir Genov deyib.
Genevun sözlərinə görə, şirkət hazırda Azərbaycan üçün xüsusi əhəmiyyət kəsb edən ölkələrlə danışıqlar aparır. Hazırda rouminq trafikin orta hesabla 75 faizi 10 ölkənin payına düşür. Onlar arasında Türkiyə, BƏƏ, İran, Rusiya və MDB-nin bir sıra ölkələri var. Rouminq tariflərinin azaldılması CİN abonentlərinə də aid olacaq.
"Biz bu istiqamətdə artıq dünyanın bir sıra iri operatorları ilə danışıqlar aparırıq. Bu, xaricdə olan CİN abonentlərinə əlverişli tariflərlə birbaşa rouminqə malik olmaq imkanı verəcək", - Genov bildirib.
Hazırda rouminq xidməti CİN-in tarif planında nəzərdə tutulub. Bu hazırda "Call back" texnologiyası sayəsində mümkündür. O, əlverişli tariflərlə danışmağa imkan verir.
