Azərbaycan, Bakı, 11 aprel /Trend, müxbir H.Vəliyev/
Bakı şəhərinin beş rayonunun telekommunikasiya qovşaqları tamamamilə NGN (Next Generation Network) şəbələsinə keçiriləcək. Bu barədə Trend-ə cümə axşamı Bakı Telefon Rabitəsi İstehsalat Birliyindən (İB) məlumat verilib.
Verilən məlumata görə, Sabunçu, Suraxanı, Binəqədi, Xəzər və Qaradağ rayonlarının telekommunikasiya qovşaqlarında yenidənqurma işlərinin görülməsi nəzərdə tutulub.
Ümümilikdə, İB-nin planlarına görə, ilin sonuna kimi dövlət operatorunun bütün telekommunikasiya qovşaqları tamamilə NGN şəbəkəsinə keçirləcək.
Hazırda Bakı ATS-nin 60 faizindən çoxu NGN şəbəkəsi bazasında qurulub ki, bu da operatora ənənəvi telefon xidmətləri ilə yanaşı, həmçinin genişzolaqlı internet və IP televiziya xidmətlərinin göstərilməsi imkanını da verir.
