Azərbaycan, Bakı, 7 noyabr /Trend, müxbir Hüseyn Vəliyev/
Rabitə və Yüksək Texnologiyalar Nazirliyinin "Teleradio" İstehsalat Birliyi (İB) bu ilin 9 ayı ərzində ölkənin rayonlarında 20 rəqəmsal TV ötürücü aparatı quraşdırıb. Bunu cümə günü Trend-ə İB-dən deyiblər.
İstismara verilən ötürücü aparatların ümumi sayından 16-sı DVB-T, 4-ü isə DVB-T2 standartında çalışır.
DVB-T2 standartından 4 ötürücü Quba rayonu ərazisində kommersiya yayımı üçün fəaliyyət göstərir. Rəqəmli TV siqnalı yaxınlıqdakı rayonları və yaşayış məntəqələri əhatə edir. Kommersiya paketinə 90 telekanal əlavə edilib.
Hazırda rəqəmsal TV kommersiya paketi Gəncədə də əlçatandır. İB Lənkəran rayonunu ərazisində kommersiya paketinin yayımının genişləndirilməsi üzrə hazırlıq işləri aparılır.
Yanvar-sentyabr aylarının yekunu üzrə İB tərəfindən bir qısa dalğalı və 7 FM diapozonlu radioötürücü istismara verilib.
Hazırda respublika əhalisinin təqribən 98 faizi rəqəmsal TV siqnalı ilə əhatə olunub.