Cisco-nun Azərbaycandakı səlahiyyətli tərəfdaşı olan R.I.S.K. şirkəti Azərbaycan Milli Bankının şəbəkə infrastrukturunun müasirləşdirilməsilə məşğul olacaq. Trend şirkətə istinadən xəbər verir ki, bu proses AMB-nın şəbəkə infrastrukturunun bərpası üzrə tenderə müvafiq olaraq həyata keçiriləcək. Bu haqda iyulun 13-də tenderə yekun vurulduğı zaman məlum olub. Şirkət bank üçün şəbəkə və periferiy avadanlığını çatdıracaq və tədbiq edəcək.
Bu müqavilə banka şəbəkə infrastrukturunu təzələməyə və genişləndirməyə, onun memarlığını yaxşılaşdırmağa və istismarının səmərəliyini artırmağa imkan verəcək. Müasirləşdirmə zamanı təşkilatda istifadə olunan HP avadanlığı Cisco Catalyst 6500 məhsulları ilə əvəzlənəcək.
Bankda yeni nəsilin vahid həlli tədbiq olunacaq ki, bu da təşkilatın şəbəkə memarlığını daha funksional və çevik platformaya çevrilməsinə imkan verəcək. Bu isə öz növbəsində yüksək səviyyəli qarşılıqlı fəaliyyəti təmin edəcək, məlumat mübadiləsinin səmərəliyini artıracaq, onların təhlükəsizliyi və etibarlığını gücləndirəcək.
Cisco həllərinin miqyaslılığı sayəsində şəbəkənin genişləndirilmə və müasirləşdirilməsi xeyli asanlaşacaq ki, bu da banka öz məlumat ehtiyatlarını artan biznes vəzifələrinə uyğunlaşdırmağa imkan verəcək. R.I.S.K. tərəfindən yaradılmış sistem bankın bütün ehtiyatlarının daha səmərəli istifadəsini təmin edəcək.
