2006-cı ilin yanvar-oktyabr aylarında Azərbaycanın Rabitə və İnformasiya Texnologiyaları Nazirliyi ölkənin telekommunikasiya sahəsinə 26594,6 min AZN sərmayə qoyub. Nazirlikdən Trend ə verilən məlumata görə, vəsaitlər əsasən həm paytaxt ətrafında, həm də bölgələrdə rabitə obyektlərinin yenidən qurulmasına, yeni telefon xətlərinin çəkilməsinə yönəldilib.
Bu dövr ərzində Aztelekom İB 10410,5 min AZN, Bakı Telefon Rabitəsi 11386,1 min AZN, Teleradio İB - 1788,4 min AZN, Azerpocht DM - 1536,1 min AZN vəsait qoyub.
2005-ci ildə Rabitə Nazirliyi ölkənin telekommunikasiya sahəsinə 157, 571 mlrd. AZM vəsait yatırıb. Bu, 2004-cü ilə olan göstərici ilə müqayisədə demək olar ki, na 66 mlrd. AZM çoxdur.
AMB-nin məlumatına görə, 07.11.06-cı il tarixinə dolların manata nisbətdə rəsmi məzənnəsi 0,8730 AZN təşkil edir.
