Azərbaycan Rabitə və İnformasiya Texnologiyaları Nazirliyinin Azərpoçt dövlət müəssisəsi (DM) Dünya bankı ilə birgə həyata keçirilən "Maliyyə xidmətlərinin inkişafı" layihəsi çərçivəsində növbəti tender elan edib.
Trend DM-ə istinadən xəbər verir ki, tender Azərpoçtun Sumqayıt filialında server otağının yaradılması üçün lazım olan avadanlığın alınması üçün keçirilir.
Tender çərçivəsində generatorun, UPS, UPS batareyaların, enerji paylayan qurğunun, hava kondisionerinin, yanğın sisteminin, yanğın siqnalizasiyası sisteminin, videotəhlükəsizlik sisteminin və s. alınması nəzərdə tutulub.
Tenderdə iştirakın qiyməti 100 manat və ya 115 ABŞ dolları təşkil edir.
Tenderdə iştirakla maraqlanan şəxslər təkliflər paketini 3 mart 2007-ci il tarixinə qədər təqdim etməlidirlər. Paketlər həmin gün saat 15:00-da açılacaq.
"Maliyyə xidmətlərinin inkişafı" layihəsi 2005-2008-ci illərdə Azərbaycanda rabitə və telekommunikasiya sahələrinin inkişafı üzrə dövlət proqramı çərçivəsində reallaşdırılır. 3 illik layihənin ümumi dəyəri 17,5 mln. ABŞ dolları təşkil edir. Bunun 12,25 mln. ABŞ dolları DB-nin payına düşür, qalan hissə isə Azərbaycan höküməti tərəfindən maliyyələşdirilir.
