...

İran ildə 20 min meqavat nüvə enerjisi istehsalına hazırlaşır

Dünya xəbərləri Materials 3 May 2011 12:38 (UTC +04:00)

Azərbaycan, Bakı, 3 may /Trend/

İranın beş illik inkişaf proqramına (2010-2015) əsasən, ölkədə ildə 150 000 meqavat elektrik enerjisi istehsal olunacaq ki, bundan 20 000 meqavatı atom elektrik stansiyalarının payına düşəcək. Bunu İran Parlamentinin Özəlləşdirmə komissiyasının sədri Həmidrza Fuladgər deyib. Bu barədə Trend İranın FARS xəbər agentliyinə istinadən məlumat verir.

Fuladgər bildirib ki, hazırda ölkədə ildə 40 000 meqavat elektrik enerjisi istehsal olunur. Bu rəqəm yaxın üç ilə 150 000 meqavata çatdırılacaq.

"Bu həcmdən 20 000 meqavatı atom elektrik stansiyaları, 5000 meqavatı isə alternativ enerji mənbələri (günəş, su və külək enerjisi) vasitəsi ilə istehsal olunacaq", - İran Parlamentinin nümayəndəsi deyib.

İranda hazırda tikintisi tamamlanmaq üzrə olan yeganə atom elektrik stansiyası "Buşəhr"dir. Bu stansiyanın tikintisini 1995-ci ildə Tehranda İran və Rusiya arasında imzalanmış müqaviləyə əsasən, Rusiyanın "Atomstroyeksport" şirkəti aparır. Müqavilənin ümumi dəyəri bir milyard dollardır. "Buşəhr" nüvə stansiyasında işlər 1999-cu il yanvarın 8-nə kimi tamamlanmalı idi. Amma 10 il keçməsinə baxmayaraq, stansiya hələ də fəaliyyətə başlamayıb. AES-in illik istehsal gücü 1000 meqavat nəzərdə tutulub. İran "Buşəhr" stansiyası kimi daha 20 atom elektrik stansiyası tikəcəyini elan edib.

Xəbər lenti

Xəbər lenti