Azərbaycan, Bakı, 7 may /Trend/
Yaponiya binaların və tikintilərin seysmik təhlükəsizliyinin zəmanət verilməsi planında aparıcı ölkədir və bununla da Sinopda atom elektrik stansiyasının tikintisi tenderində qələbəsini təmin edib. Bu barədə bazar ertəsi RİA Novosti agentliyi məlumat yayıb.
"Yaponiyada həm Atom Elektrik Stansiyaların tikintisi, həm də zəlzələlərdən müdafiəsi üzrə böyük təcrübə toplanılıb. Buna görə, biz hesab edirik ki, bu ölkə Türkiyədə atom energetikasının inkişafına böyük töhfəsini daxil edəcək", - agentliyə müəssisənin mətbuat xidmətinin nümayəndəsi Mehmet Arık deyib.
Onun sözlərinə görə, Yaponiya Türkiyəyə son nəslin texnologiyalarına aid olan Atmea 1- nüvə reaktorlarının tikintisinin texnologiyasıni təklif edib. Yaponiya Fukusima qəzasından nəticə çıxararaq, bu tipli reaktorlarının seysmik təhlükəsizliyini yüksəldib. Türkiyəyə təklif edilmiş reaktorun tikintisi texnologiyası 9 bala qədər güclü zəlzələyə təhlükəsizlik zəmanətini verir.
Cəmi Türkiyədə son 10 il ərzində iki atom elektrostansiyasının istismara verilməsi planlaşdırılır. Mərsin şəhəri yaxınlığında "Akkuyu" Atom Elektrik Stansiyasını Rusiya tikir, Sinopda Atom Elektrik Stansiyasını Yaponiya tikəcək.