Azərbaycan, Bakı, 18 noyabr /Trend, müxbir Rufiz Hafizoğlu/
Türkiyə Prezidenti Rəcəb Tayyib Ərdoğan Ankarada ölkənin Təhsil Nazirliyinə məxsus 155 təhsil ocağının açılışında iştirak edib. Trend-in məlumatına görə, bu barədə Türkiyənin "TRT Haber" telekanalı məlumat verib.
Məlumata əsasən, təhsil ocaqlarının açılışı videokonfrans vasitəsilə keçirilib.
Təhsil ocaqlarının açılışında ölkənin təhsil naziri Nabi Avçı, diyanət işləri naziri Mehmet Görməz və Türkiyə Baş nazirinin müavini Yalçın Ağdoğan iştirak edib.